చిత్ర కవిత
తేది : 23-04-2021
శీర్షిక : ఒకరికొకరై...
సంఖ్య : 15
అక్షరాస్యతల గొడవలు తెలవదు
అగ్రిమెంట్ల బలవంతము కాదు
ఆనాటి పెళ్లి మంత్రాల తంతులే
పెద్దల ఆశీర్వాదాల బలము
మూడుముళ్ళ ముచ్చటైన బంధము
ఏడడుగుల బలమే..ఈ బంధానికి సాక్ష్యం ...
తెల్సిందల్లా మాటకు కట్టుబడే తత్వం
తెల్లారింది మొదలు ఒకరికొకరై
జీవితాంతం తోడునీడగ నిలుస్తూ
ఆత్మీయ పలకరింపుల ఊతం...
బాల్యపు వివాహన పలికిన
బాసలకు... కష్ట కాలములో సైతం
ఇష్టపడి సేవలు అందిస్తున్న
ముదిమి వయసు గల ముత్తాత ...
చేత చిల్లిగవ్వ లేదన్న జంకులేక
చేవ కలదు ఒంటిలో నంటూ
భారమనకుండా భార్య నెత్తుకుని
గమ్యంకై సాగిన గమనం ....
ఎదిగామనుకుంటున్న నేటి తరానికి
కనపడని అరుంధతీ నక్షత్రపు నీడలో
కనపడే అరుదైన ప్రేమ జంట
కనువిప్పుకలుగు కొంతమందికైనా.....
నగునూరి రాజన్న
కరినగరము.
No comments:
Post a Comment