ప్రాణం ఖరీదు
తేది: 31-05-2021
శీర్షిక: ఎలా లెక్క కట్టేది ?
కవిత సంఖ్య : 676
గణకులెవరయినా గణించరా?
ప్రముఖులెవరైనా ప్రవచించరా ?
విజ్ఞులెవరైనా వివరించరా?
జ్ఞానులెవరైనా బోధించరా?
కాకి పిల్లలా....తల్లికి పిల్ల ముద్దు
ఆవులేగలా.... పిల్లకు తల్లే అన్నీను
కలిసి ఉంటేనే కదా సుఖం ....
అప్పడే కదా విశ్వైక కుటుంబం ....
ఎలా లెక్క తేల్చేది ?
అప్పులు లక్షల్లోనే రైతన్నకు
అధర్మం ఆదరించని పేదవాడు
అనాదలౌతారు నమ్ముకున్నోళ్లు
అయినా ఆత్మ హత్యకు పాల్పడే ...
ఎలా లెక్క తేల్చేది ?
అప్పులు కోట్లల్లో కార్పొరేట్లకు
అమ్యామ్యాల అధికారవర్గం
అండదండలన్నీ రాజకీయమే
అవసరమైతే పొరుగు పౌరసత్వం...
ఎలా లెక్క కట్టగలిగేది?
ఇగోను జయించలేని బాంబుల వర్షం .
పాలస్తీనాలో పారుతున్న రుధిరం
ఇజ్రాయిలీల కరాళనృత్యం
ఇల్లు వాకిళ్ళన్నీ నేలమట్టం ...
ఎలా లెక్క కట్టగలిగేది?
చలనం లేని చైనీయుని దురాగతానికి
కోట్ల మంది అంటు రోగం పాలై
లక్షల కుటుంబాల రోదనలు మిన్నంట
విశ్వమంతా విల విలలాడంగ...
విశిష్టమైన ఫార్మసీ రంగం
వికృత రూపం దాల్చి అవతరించ
వింత చేష్టల వైద్య రంగం
వినూతన విధానాలకు తెరతీస్తూ
విధాన పరమైన చికిత్స లేదంటూనే
లక్షల బిల్లులు వసూలు చేయంగా...
చెప్పండి ఎవరైనా దయచేసి ....
నగునూరి రాజన్న
కరినగరము
No comments:
Post a Comment