నా వేకువ నీవే తేది: 11-06-2021 శీర్షిక: వెన్నంటిన నీడవై

 నా వేకువ నీవే

తేది: 11-06-2021

శీర్షిక: వెన్నంటిన నీడవై

కవిత సంఖ్య: 685

పరాచికాల  పరిచయాలతో
పదిలమైన  పయనం మనది
పరిణయమై శోభించే శుభ
పరిణామం దాకా మధురానుభూతే ....

చూసింది మొదలు నీ ధ్యాసనే
ఉషోదయానా ఉల్లాసాలు నింపి
సాయం వేళల్లో సరదాలు నింపే
సహజ సౌందర్యమాయె  మరి !

నీవు నేను ఒకటయ్యాక  ఇక
అంతా నీవై నిలిచావు కదా ...
నేనన్నది మరిచాను సుమా
“నీవు” అనేదే నిజమాయె జీవితాన .....

బాదర బందీనయినప్పుడు
ఆశల వెలుగులు పూయించి
చిటపటల చిందులాటలో
చిరునవ్వులు వెలయించావు  ....

అలసట లేని సమయసూచీలా
అన్ని వేళలా కనిపెట్టుకుని
వేకువలోను... మెళకువలోను....
ప్రతీ క్షణం పదిలపరుస్తూ
అణువణువునా అహర్నిశలూ
నీవే నను వెన్నంటిన నీడై నిలిచావు.....

నగునూరి రాజన్న
కరినగరము