చైతన్య గేయం
తేది 19-06-2021
శీర్షిక : మారవయా ఓ మనిషి …
కవిత సంఖ్య : 690
మారవయా ఓ మనిషి
మరవకు నీ శ్రేయస్సును
మర్కటపు ఛాయలనే
చెరిపెయ్యి మానసాన //మార//
చెత్త కుప్ప చెదారాలు
ఊరి చుట్టూ కంచెలాయే
దద్దరిల్లే దవాఖాన్లు
నడిబొడ్డున నజరానాలు ... //మార//
అవసరాలు గుర్తించి
అడుగు ముందుకేయవోయి
అభివృద్ధిల పేరుచెప్పి
అడ్డమైన పనులొద్దు // మార//
స్వార్థాలను చంక దింపు
చేయూతలు అందించు
జీవకోటి చిరాయువుగ
బతికే పని చేయవోయి // మార //
కల్తీలను కట్టిపెట్టి
కనికరించు ఆరోగ్యం
కాని పనుల సంపాదన
కాదు ముఖ్యo గుర్తించు // మార//
పచ్చ పచ్చ అడవులను
పదిలంగ పెంచుమయా
ప్రాణవాయువు కొరతల్ని
పట్టుబట్టి అధిగమించు // మార//
గలగలల సెలయేళ్ళు
గంభీర జలనిధులు
స్వచ్చంగా వాడాలి
ముందుతరం చూడాలి //మార//
నగునూరి రాజన్న
కరినగరము.
No comments:
Post a Comment