దారిలోని పూలమొక్కలు
శీర్షిక : రక్షణ కవచాలు
కవిత సంఖ్య: 138
తేది: 23-06-2021
ఎవరో ప్రత్యేకమై నాటకపోయిన
ఎగిరెళ్ళి పక్షుల్లా అక్కడక్కడా
గాలిలో ధూళిలో పరుగుపెట్టి
ఆగిన చోట అతుక్కుపోయి ….
చినుకు పడగానే కునుకు
మానేసి ఎవరో పిలిచినట్లుగా
తొలకరి పడగానే కులుకులన్నీ
కుమ్మరిస్తూ పరుగెత్తి తొంగి చూస్తాయి …
చూసీ చూడక తొక్కినా నలిగినా
పడుతూ లేస్తూ… వచ్చే పోయే
వారినందరిని పలుకరిస్తూ అలరిస్తూ
పరవశాల పొంగిపోతుంటాయి…
పసందులు పంచిపెడుతూంటాయి ….
ఇప్పుడైతే ఇరువైపుల అందాలే కాదు
మనసైన పరిమళాలే కాదు సుమా…
మధ్యలో కూడా మాటేసి మనకు
నిశి పయనంలో రక్షణ కవచాలై నిలుస్తున్నాయి ….
కాల మాన పరిస్థితుల్లో
కలిసి బతికేది నాలుగు
రోజులైనా నవ్వులు పంచుతూ
మనకు మార్గదర్శమౌతాయి ....
మొత్తంగా మానవాళిని సంతోషపెట్టు ....
నగునూరి రాజన్న
కరినగరము
No comments:
Post a Comment