ఆత్మీయత
తేది: 26-05-2021
కవిత సంఖ్య: 28
శీర్షిక : నెర్రెలూనే స్థితి
పాశ్చాత్యమున పరికించాలేమో గాని
హైందవాన కొదువలేదు మనకెపుడు
అడుగడుగున తొణికిసలాడేదే
అల్లుకున్న ప్రతీ తీగ బంధానికి తోడై......
పుట్టకముందునుండే అమ్మలో
పుట్టిన క్షణంనుండి నాన్నలో
పుట్టి బుద్దెరిగాక తోబుట్టువులతో
చదువుల్లో మిత్రులతో ... అచ్చంగా
మనమంతా అనుభవించినదే....
పల్లె తల్లి నడకల్లో వయ్యారాలు పోయి
పట్నపు అడుగులతో పలుచనై పోయె..
పారిశ్రామికీకరణలతో నల్లపూసైపోయి
అపార్టుమెంటు జీవితాలతో అమాంతం
అతలాకుతలమయి ఆర్థిక బంధాలయ్యాయి.
కరోనా వచ్చేసి ఎద్దుపుండు కాకి పొడిచిన
చందంగా... పక్కవాణ్ణి వదిలేసి అసలు
కుటుంబములోనే నెర్రెలూనుతున్న స్థితికొచ్చే
ఒకరికొకరు కాకుండా ..ముఖాలు
చూసుకోకుండా.... కాచుకోకుండా.....
పచ్చగడ్డి తిన్న పశువుల పాల కల్తీల్లా
ఫోడర్లతో పొట్టలు నింపుకుంటున్న
పశుల మంద చందంగా....ఆత్మీయతలు
అడుగంటి... కలుషితాల పురుగు తాకి ....
ఆత్మీయతలు అసలు
కాకుండైపోతున్నయి సుమా.......
నగునూరి రాజన్న
కరినగరము.
No comments:
Post a Comment