ఉచితం చేదెవరికి.
తేదీ : 08-06-2021
శీర్షిక :
అనుచితమైతే వినాశనమే
కవిత సంఖ్య : 682
ఒకటి కొంటె ఒకటి ఉచితమంటూ
ఊదర గొట్టే ప్రకటనల జోరు
వట్టి పోయిన బేరాలే కావొచ్చు.....
కానీ... ఓ పట్టు పడుతుంది
జన సామాన్యుల నాడీని .....
పాలనలలో పండిన నేతలు కూడా
సంక్షేమాల మేక తోళ్లకు
సబ్సిడీల రంగుల ద్దుకుంటూ
క్విడ్ ప్రో లాంటి క్రీడలే
శరణ్యం చేసుకుని ఐదేళ్లు
ఇంద్ర ధనస్సుల సాగరంలో
మునిగి తేలుతున్నారు ....
ఉచితం అనుచితమైతే
లాలూచీల బేరసారాలే ...
నీతి నియమాల ముచ్చటే కాదు
ఏకంగా మనిషి పతనానానికి
మత్తు జిత్తులు కావొచ్చు ..
ఉనికికే ఉరితాడై మనిషిని
దేశాన్ని మసి చేయవచ్చు.....
బేర సారాలలో ఉచితమన్నా ...
పాలనలలో ఉచిత పథకాలన్నా
మాటు వేసిన మతలబుల
వెనక కాటు కనపడని చేటు చేసే
కాల నాగుల బాటే నన్న మాట....
అనామకుల పేర్లు వాడుకుని
అసమదీయులకు వడ్డించే
విందు భోజనాల విస్తర్లే అవి .....
జవాబుదారీ తనం లోపించిన
జనసమూహాలలో ఉచితం
అనుచితమైతే వినాశనమే .....
నగునూరి రాజన్న
కరీనగరము
No comments:
Post a Comment