కొత్త పొద్దుపొడుపు కోసం
తేది: 03:06:2021
శీర్షిక : జన సామాన్యుల శ్వాస
కవిత సంఖ్య : 679
విలువైన డెబ్బదేండ్లు గడిచిపోయె
చకోర పక్షులై ఎదురుచూస్తూనే ...
ఎప్పటికప్పుడు ఆశల సామ్రాజ్యంలో
ఎదురుచూపుల జన సామాన్యులకు
భారతాన కొత్త పొద్దుపొడుపు కోసం....
నిత్య అగ్నిహోత్రమై నిలువెల్లా
దహించివేస్తున్న విచ్చలవిడి
విశృంఖలాల పెచ్చరిల్లిపోతున్న
లంచగొండి వ్యవస్థలను చూసి చూసి .....
పాప పంకిలాల ధారావాహి
వైతరణీ సరస్సులా వ్యాపిస్తున్న
చాల మంది పాలకుల తప్పుడు
చిట్టాలను పదే పదే చూసాక ....
రావణ కాష్టంలా తగలబడి
పేరుకు పోతున్న బూడిద
కుప్పల్లా కొంతమంది స్వార్థ
పరుల అక్రమాల చిట్టాలను చూసి .....
ఈ గడ్డపైన తిని తొంగున్నా
శునకపు విశ్వాసాలు సైతం
ఒంటపట్టని... కల్లాకపటాలనే
ఒళ్ళంతా నూనెలా పూసుకున్న కొంత
మంది కుక్క మూతి పిందెలను చూసి ....
ఎదురుచూస్తూనే ఉన్నారు జన
సామాన్యులు భారతాన కళ్ళల్లో
వత్తులేసుకుని... కంటి నిండా
నిద్రలేని రాత్రులను శ్వాసలుగా చేసుకుని ....
నగునూరి రాజన్న
కరినగరము.
No comments:
Post a Comment