ఆమె అతడు అమ్మ
తేది: 27-05-2021
శీర్షిక : సంతోషాల హరివిల్లే
కవిత సంఖ్య: 673
కోటి ఆశలను కొంగున ముడేసుకుని
అమ్మా నాన్నలను తోబుట్టువులను
పుట్టింటి జ్ఞాపకాలను త్యాగం చేసుకుని
భర్త నీడలో అన్నీ మరవాలన్న ఆశ ఆమెది ....
సర్వ సుఖాలను త్యాగం చేసుకుని
కంటికి రెప్పలా నలుసైనప్పటి నుండే
కండరాల పొత్తిళ్ళలో నవమాసాలు మోసి
రుధిరం క్షీరం చేసి పెంచి పోషించిన
పేగు బంధం అమ్మది....
సృష్టి తరాలకు మూలమయ్యే
సత్సంతాన వ్యవస్తార్థం
కట్టుబాట్లకు క్రమశిక్షణలకు
కొదువలేదు మన సాంప్రదాయాన...
కన్న ప్రేమ గొప్ప ఒకరిదైతే
కట్టుకున్న బంధం మరొకరిది
రెండూ...రెండు కళ్లలాంటివే
సమస్థితిని సంతులనం చేయాల్సిందే ...
‘అమ్మ’ లో అమ్మను చూసుకుంటే
‘ఆమె’ లో కూతురుని చూసుకుంటే
ఆ ఇరువురి నడిమిన పయనం
అతనికెప్పుడూ సంతోషాల హరివిల్లే....
నగునూరి రాజన్న
కరినగరము.
No comments:
Post a Comment