ఫలించిన నిరీక్షణ
తేది: 19-05-2021
శీర్షిక: ప్రతిరూపమై నిలిచె
కవిత సంఖ్య: 667
డెబ్భైల నాటి మాట
పల్లె పాదాలు పట్నమొచ్చినా
చదువులచ్చి చల్లంగ చూసినా
పట్టుమని గట్టిగా పట్టు చిక్కలేదు
పట్నం బతుకుల సందళ్ళలో......
అమ్మనాన్నల దీవెనలతో....
ఎడ్డోడు ఏం బతుకుతడు లే
అనుకున్నదో ఏమో విధి వింతగా
విసిరేసింది కేంద్ర ప్రభుత్వ పవరు
కంపెనీలో పర్మనెంట్ ఉద్యోగంతో ....
పరుగెత్తే ప్రపంచ పోకడలతో
పట్టింపులులేని మరో ప్రపంచం
కలుషితాలు కల్మషాలెరుగని
కరెంటుకు నీళ్ళకు కరువులేని
పచ్చ పచ్చని వాతావరణంలో
సుందరమైన నందనవన జీవనం....
పరిమితమైన ఉద్యోగులతో
ఫరిడవిల్లిన నిత్య జీవనం
నిర్మల హృదయులే అందరూ ....
అదుపుల కుదుపులే అవలీలతలు
అనువైన జీవన విధానాల దాఖలాలు
అల్లుకున్న అందమైన పొదరిల్లు ...
మనసెరిగిన మనువును కట్టి
మదిలోని మాటలను ఆదరించే
సంతాన కానుకలతో సన్నుతించి
దైవం ప్రసాదించిన చూడ చక్కనైన
జీవితమేగా.... ప్రతిరూపమై నిలిచె
నగునూరి రాజన్న
కరినగరము.
No comments:
Post a Comment