ఆనంద తాండవం తేది: 10-06-2021

 ఆనంద తాండవం 

తేది: 10-06-2021

శీర్షిక: తాండవమే డెందం… 

కవిత సంఖ్య: 684

డొక్కలు నిత్యం మాడ్చుకుని

డోలు బజాయించుకునే లేనోనికి

రెండుపూటలా కడుపుకింత  కలిగి 

కాలాన్ని జయించగలగడమే .... 

అరకొర అత్తెసరు మార్కులతో 

అవతలి గట్టుకు చేరుతానో లేదో 

అనుకునే సంశయార్థులకు... ప్రథమం చేరి

పదిలమై ప్రత్యేకత సంతరించుకుంటే.... 

తరాల మొలలలో తామసం నింపుకుని 

పుట్టు పూర్వోత్తరాలన్నీ గుట్టుగా దాచి.. 

బెట్టు చేసి..గారాలు పోయి..గారడీలతో

పట్టుబట్టి పాలనా పగ్గాలు సాధిస్తే….. 

భీష్మ వేడి సెగల భీతిల్లే ధరణిపై 

గ్రీష్మ తాపాల రోషాలనధిగమించ

నెర్రెలూనిన నేలమ్మను పలకరించ

తొంగి చూసిన తొలకరి ముహూర్తాన…. 

ఉన్నోడికి ఉనికి తెలియకపోవచ్చు..కాని

లేనోడికి అదే  రెక్కలు కట్టుకుని తనకు తానై  

సమకూరి పలుకరించ తమాయించుకోలేక 

తాండవమే డెందపు కమల కోమలం….. 

నగునూరి రాజన్న

కరినగరము.