చిత్ర కవిత
శీర్షిక : పచ్చని గొడుగు నయ్యెద
తేది: 11-06-2021
కవిత సంఖ్య: 32
విజ్ఞానాల వెంట పరుగెత్తుతూ
విను వీధులలోన విహరిస్తనంటావు
విషయలోలతలు వంటబట్టించుకుని
విలువలు తెలియకుంటివి నావి…..
ప్రాణవాయువులకు ప్రథమున్ని నమ్ము
వాయు జలముల వారధిని నేను
పాడిపంటల సర్వ మూలమును నేను
పవనములతోడ సేవించెదను మిమ్ము….
కొమ్మనై కోడిలా కూసినా
కాసింత మనసు పెట్టి కనిపెట్టవేమి
కసురుకోకుండా వినవేమి
కారుణ్యమే నీలో కానరాకున్నది
తెలిసో తెలియకనో నన్ను
తెమల్చినా ప్రత్యామ్నాయమై
పాదుమయ్య మళ్ళీ పదులలోన
పట్టెద నీకెప్పుడు పచ్చగొడుగునై ....
బాలురకు నేర్పరే బంగారు మాట
పచ్చని చెట్లే ప్రగతికి మెట్లని
భావి భారత పౌరులు వీరె కద
భవిష్యత్తులు తీర్చి దిద్దుకొనగా ....
నగునూరి రాజన్న
కరినగరము.
No comments:
Post a Comment