మళ్ళీ చిగురించాలని
తేది : 17-06-2021
శీర్షిక: ఋతువు బతుకు లాగా
కవిత సంఖ్య : 688
సుఖసంపదలు మరిచిన రైతన్న
కలకాలం ప్రజల సంక్షేమమే పలవరిస్తూ
పంట పంటకు పాట్లు పడుతాడు
మొక్కలు మళ్ళీ చిగురించాలని ....
అనాగరీకమని అలితేరిన
పల్లె బతుకుల్లో పరిమళించే
మానవత్వపు మల్లెల జాడలు
అంతటా మళ్ళీ చిగురించాలని....
కలో గంజో పోసి బతికించుకున్న
కాలుష్య రహితాలు.... కలుషితాలెరుగని
చేతి వృత్హులు చేదోడు వాదోడుగా నిలిచే
కాలం మళ్ళీ చిగురించాలని.....
ఉరుకుల పరుగుల పట్నపు
పడగల నీడల్లో సైతం సాటి మనిషిని
సల్లగా చూడగలిగే హితమైన మనిషితనపు
ఛాయలు మళ్లీ చిగురించాలని .....
ఋతువుల కాలం మారగానే
బతుకు జీవుడా అంటూ
కుప్పలు తెప్పలయ్యే కప్పల్లా
మోడయిన మానులు సైతం
చిగుర్ల ఆశలతో మళ్ళీ మొలకెత్తాలని ....
నా చిరు ఆకాంక్ష ....
నగునూరి రాజన్న
కరినగరము
No comments:
Post a Comment