ఉషోదయపు నడక
తేది: 01-06-2021
శీర్షిక: ఆయుష్షు పెంచు ఘనం ....
పల్లె ఛాయలలో ఎల్ల ప్రజలకు
పశు సంపదలు బయటికి తోలాలన్న
పచ్చని పొలాలు ప్రతి దినం చేరాలన్నా
పాద యాత్రలే పట్టుకొమ్మలానాడు ...
ప్రగతి పేరు చెప్పి పరుగులు
పెడుతున్న ప్రజానీకానికి కాలుష్యాల
పలకరింతలే గాని పట్టుమని
పదడుగులు వేసే జాగలే కరువాయె...
ఆడా మగల తేడాలసలే లేక
చిన్నా పెద్దా దూరాలకైనా ఏదో ఒక్క
వాహనమై..అడుగులేసే అదృష్టాలకు
కూడా నోచుకోని జన్మలై పోయె..... నేడు
అమృత ఘడియల ఆనందాలు
ప్రకృతి పల్లవించే సోయగాలు
పశు పక్ష్యాదులు కలిసి భానునికంపే
ఆహ్వానాలు...మత్తుకళ్లకు గమ్మత్తే...
ఉషోదయపు నడకలు ఉసిగొలుపగ
జీవితాలను..ఆరోగ్యాల మలుపులను
అధిగమించి నిలువరించు..ఆయుష్షుల
పరిమాణం అలవోకగ పెంచు ఘనం ....
నగునూరి రాజన్న
కరినగరము
No comments:
Post a Comment