సత్పురుషులు
తేది: 24-05-2021
శీర్షిక : మహానుభావులు.
కవిత సంఖ్య : 27
ప్రతి క్షణం పరితపిస్తూ
పరుల మేలు కోరి ఫణముగ జీవితాలు
పరిత్యజించిన మహానుభావులకు
కొదువలేదు మన హైందవాన ....
ధన మాన ప్రాణాలను నిరంతరం
పాలనలకో పోషణలకో బోధనలకో
వాదనలకో ... బలం బలగాన్ని వెచ్చించి
ప్రజా పక్షమై నిలిచి .. సంక్షేమాలను
సన్నుతించిన మహానుభావులు...
ఒక్కటా..రెండా..అనేకం
ఒద్దికగా ఒనగూరే మనకు
వేదాలు పురాణాలు ఇతిహాసాలు
కావ్యాలు కవనాలు శాస్త్రాలు ఆధ్యాత్మికతలు
ఆదరణలై నిలిచె ఆలవాలమై .....
పుట్టి బుద్దెరిగిన మనకు
పుడమి చరితలు తరచిన..
నియతి తోడ నిలిచిన నిస్వార్థ
పుణ్యమూర్తులు మన జాతిపిత ....
అంటుపురుగు అగులుబుగులుల
నాటి నుండి కకావికలమౌతున్న
జనసామాన్యుల చూసి చలించి
కనికరములు నింపుకుని కలియ
తిరుగుతూ... కాపాడుతున్న కార్య శీలి...
మణి రత్నమేకదా మన సోనూసూదు.....
నగునూరి రాజన్న
కరినగరము.
No comments:
Post a Comment