వెంట వచ్చునది
శీర్షిక: మంచితనం
తేది: 27-05-2021
కవిత సంఖ్య: 674
జంగమయ్య జగన్నాటకంలో
జనమంతా పాత్రదారులం
కష్టసుఖాల కడలి పోరాటాలు
సుఖదుఃఖాల సుందర తీరాలు...
తెలియని పుట్టుకతో
తేలేదు మనవెంట ఏమి.. కానీ
తెలియని నిష్క్రమణతో
మోయవచ్చు కొంత మంచిని....
ఉత్తరకుమార మాటలతో
ఉడుకుడుకు విందుభోజనాలు కాదు
అత్యవసరాలకే ఆయాసపడే
ఆపన్నులకు అండగా నిలిస్తే చిరాయువే..
బడుగు బలహీనులకు సదా
బలము బలగమయ్యి తాను
బాడీని కూడ విద్య కొరకు
బహుమతిచ్చిన మహోన్నతుడు...
పుట్టుక చావులు నీవైనా
పుడమిన ఉన్నన్ని నాళ్ళు
పూవై పూజకు సమర్పించుకోమని
పుణ్య వచనము చెప్పె కద మన కాళన్న ....
వేద ఉపనిషత్తులైన
సంస్కృతీ సాంప్రదాయాలైన
సతచరిత్రల సన్నుతింపులైనా
చరిత్రల చర్విత చరణాలయినా
చక్కగ నుడివిన చిక్కని నిజం ... మంచితనం
నగునూరి రాజన్న
కరినగరము
No comments:
Post a Comment