కార్మిక గీతాలు
తేది: 01-05-2021
శీర్షిక: కర్షకుడు కార్మికుడు
కవిత సంఖ్య: 654
భూమి చీల్చి బువ్వ పెట్టె కర్షకా
భుజం కలిపి కర్రు కాల్చు కార్మికా
తొలకరితో మొదలయ్యె
తోడునీడ మీ స్నేహం
మట్టిలోని మణి రాసులు
మా ఇంట వెలుసు గదా .. // భూమి //
ఇడుగిర్వాలు ఇగురంగ
కర్షకుని కార్యమైతే
పొలం నాటి కలుపు తీసి
పోగు చేయు కార్మికుడు ... // భూమి //
వండుక తినె కుండయినా
నిండుగా కప్పే బట్టయినా
నీ రెక్కల కష్టమే మిత్రమా
నిన్ను గుర్తించేదెవ్వరు నేస్తమా // భూమి //
అడుగడుగున పల్లెన
మెతుకయ్యావు
అందని పట్నంలో కూడా
బతుకయ్యావు // భూమి //
నీవు లేని నిమిషాన
నిర్వీర్యమే... విశ్వము
నీవున్న చోటనే
బ్రతుకంతా స్వర్గము ....
// భూమి //
నగునూరి రాజన్న
కరినగరము.
No comments:
Post a Comment