నేను సైతం
తేది : 15-06-2021శీర్షిక : సాధ్యమైనదే .....
కవిత సంఖ్య : 687
వేల కత్తులు చేయలేని పనిని
వేగిరంగ ఒక్క కలం నిర్వహించినట్టు ....
మహనీయుని మాట మంత్రమై కదిలె
అనేక దశాబ్దాలుగా అనేకులకు .....
నాకేంటి కాకుండా.... నేనేంటి...
అనుకుంటే కొండంత ధైర్యం
స్వార్థాలకు తిలోదకాలిచ్చి
సాధ్యమైనదే తోడ్పడితే చాలు ......
పట్టి పట్టి బేరమాడక
పగలు రేయి కష్టపడుతూ
చితిల మీద నడుస్తున్న చేతి
వృత్తులకు చేయూతైతే చాలు ...
అక్కరున్నా లేకపోయినా
చెట్టు చేమల నీడలలో తచ్చాడే
అవిటివారి అమ్మకాలకు
ఆయుధమై నిలబడితే చాలు ....
మణి మాన్యాలు కాపోయినా
మట్టిని నమ్ముకున్న రైతన్న
నడ్డి విరగకుండ కోరి కొసిరి
గీ పెట్టి కొనుగోళ్లు చేయకుంటే చాలు....
మన కొరకు రాత్రులను
పగళ్లుగా చేసుకుని పహారాలో
కుటుంబాలకు దూరంగా
సరిహద్దుల కంచెల కాపలా ఉండే
సైనికులకు గౌరవిస్తే చాలు .....
నగునూరి రాజన్న
కరినగరము
No comments:
Post a Comment