సబ్కో సన్మతి దే భగవాన్
తేది : 30-01-2023
శీర్షిక :
యుగానికొక్కడు....
కవిత సంఖ్య : సహస్రాధికం
తమ పర భేదమెరుగక తనువు
సమర్పించిన స్వాతంత్య్ర సమర
యోధుడు....
అల్లనల్లన మెల్లగా సాగిపోతూ
అలితేరుతున్న స్వాతంత్య్ర సమర
పోరుల సందళ్ళ సెలయేళ్ళను...
సంద్రపు అలల లాంటి సత్యం ...అహింస
ఆనకట్టలతో ఒకటి చేసి ...అనుసంధించాడు ...
బక్కోడేలే ఏంచేస్తాడనుకున్న
ఆంగ్లేయులకు చుక్కలు చూపించాడు ...
దిక్కులన్నీ పిక్కటిల్లేలా ఒక్కటి చేసి
బానిసలనుకున్న భారతీయుల సత్తా
చాటాడు.
సహాయ నిరాకరణ ... సత్యాగ్రహాలతో
నీతిగా... నిజాయితీలకు నిలువెత్తుగా
నిలిచి .... నెత్తురోడాకుండానే ఆంగ్లేయుల
మత్తు దించాడు.....
లెక్కలేనన్ని వేదాలు పురాణాలు
ఇతిహాసాలు మన సొత్తయినా...మనల్ని
తెలివితక్కువ వాళ్ళకింద జమకట్టిన
తెల్లోల్లతో ... సమరమేమి చేయకుండానే
సంధి కుదిర్చాడు ....
రఘుపతి రాఘవ రాజారాం...
పతిత పావన సీతారాంగా ...
కొలుచుకున్న ఆత్మీయ దైవచింతనలో
కూడా...ఈశ్వర్ అల్లా తేరో నాం ..
సబ్కో సన్మతి దే భగవాన్...అంటూ
ఏకత్వములో భిన్నత్వమును
జోడించిన యుగానికొక్కడు ....
ఆయన నడిచిన బాటలు
ప్రేరణలై పెద్దన్న పాత్రలా
వద్దన్నా నచ్చి నేడు విశ్వ
వ్యాప్తమై విరాజిల్లుతున్నవి ....
నగునూరి రాజన్న
No comments:
Post a Comment