మణిదీపం
తేది : 14-12-2022
శీర్షిక : మహిళామణులు
ఆకాశంలో నక్షత్ర రాసులెన్నున్నా
అశనిపాతం లాంటి చీకటిని పంచే
అమావాస్యను తరిమికొట్టేంత
వెలుగులు పంచె వెన్నెల రేడులా ....
అందరూ ...అలా అలా బతికేస్తుంటే
కొందరు మాత్రమే చిచ్చరపిడుగుల్లా
చెలరేగుతూ చండ్రనిప్పులు కక్కుతూ
దిక్కులు పిక్కటిల్లే ప్రతాపాలను
దిగంతాలకు ప్రదర్శిస్తారు.
నూటికో .. కోటికో .. ఒక్కరులా
ఓ ఝాన్సీరాణిలా ...ఓ రుద్రమదేవిలా ...
నాతినన్న భావాలను చెరిపేసి
జాతి కొరకు మాత్రమే బ్రతుకుతారు ....
నాడే కాదు ... నేడు కూడా ...
రూఢిపరిచిన అపర రుద్రమలెంతో
మంది ... క్రీడలలో....రాజకీయాలలో...
శాస్త్ర సాంకేతికత రంగాలలో .....
వెలలేని వెలుగులు ప్రకాశిస్తూ
ప్రతివారి జీవితంలో పరితపించి
దాపున నిలిచే అమ్మైనా ... ఆలైనా
ప్రత్యక్ష మణిదీపాలు ... నమో నమ: ...
నగునూరి రాజన్న
No comments:
Post a Comment