ఈ శ్వాస నీ కోసం
తేది : 09-02-2023
శీర్షిక : నమో పరంధామా .
కవితాసంఖ్య : సహస్రాధికం
పూర్వ బంధమో ... పుణ్య ఫలమో ...
ఉన్నపళమైన ఊసుల మయం కాదు
ఉచితమో ...కాదో చెప్పడం ...కానీ ...
ఉడతాభక్తిగా ఉన్నది నివేదించడమే ...
బ్రహ్మ లిఖితమో బ్రాహ్మణ ఆశీర్వచనమో
సతతం నీ మననమే ఓ మహాత్మా
పగలు పనిలోనూ ... నిశీధి నిద్రలోను ...
చిత్తానికి కొక్కెమేసి లాగినట్టు ....
ఎన్ని మార్లు దర్శించినా ....
అన్ని మార్లు కోరిక తీరక ... మరోమారు
మరోమారంటూ మానసం మారాము
చేస్తూనే ఉంటుంది....
నామమెత్తుకుంటే.... భావం
హోమ ధూమంలా శ్వాసల పరిమళం ....
రూపం చూస్తుంటే ... మొహం
తీరక కుసుమ వనాల సుందరం ...
సర్వస్య శరణాగతి శ్రేష్టమని ...
దాసోహమే సరోత్క్రుష్టమని ....
నమో పరమాత్మా... నమో పరంధామా...
పరమాణువునైన నా ఈ శ్వాస
నీ కోసమే...స్మరణ పునశ్చరణలే
ముక్తికి మార్గమని నమ్మినాను ....
నగునూరి రాజన్న
No comments:
Post a Comment