శ్రీరామ పట్టాభిషేకము
25-12-22
దశరథ నందనా
భవభయ భంజనా //2//
కామేష్టి యాగముతో కౌసల్యకు తనయుడివై
దశరథ మహారాజును విశదముగా బ్రోచితివి ....
మరువలేని మాతృప్రేమ అన్నదమ్ములనురాగం
శ్లాఘనీయమినవంశము దేశప్రజల అనుబంధం …
//దశరథ నందనా
భవభయ భంజనా //
రాజఋషి మాటపైన యాగములను రక్షించగ …
ధర్మములను నిలబెట్టగ తాటకిని చంపితివి ...
గురువాజ్ఞ గుంభనమై శివధనుస్సు ఛేదించి...
వరమాలను పొందితివి సీతమ్మా తల్లిచేత …
//దశరథ నందనా
భవభయ భంజనా //
జేజేలు వెలిబుచ్చుతూ ప్రజలంతా పలికిరి ....
భువిపైన మీజంటకు దేవతలు దీవించిరి ...
కళ్యాణం కమనీయం కనులపంట ప్రజకంతా…
ఆచరిస్తూ తప్పకుండా తరిస్తాము నేటికిని …
//దశరథ నందనా
భవభయ భంజనా//
జనకుని మాటపైన జవదాటక కదిలావు…
వసంతాలు పదునాలుగు వనవాసం
సీత సౌమిత్రితోడ
…
తృణప్రాయం అన్నియును బోగభాగ్య లాలసలు
యుగాలన్ని తేజములే జగాన నీ చరితములు…
//దశరథ నందనా
భవభయ భంజనా//
పంచవటిన నివసించ పరికించెను శూర్పణఖ
వంచనకు మారుపేరు కించపరిచె భావాలను ..
కక్షగట్టి ప్రోత్సహించే కడుమాయల మారీచుని
కనకపు వర్ణములద్దుకుని కనిపించే మాయలేడిగా ....
//దశరథ నందనా
భవభయ భంజనా//
కనివిని ఎరగని మాయా కాంతులతో కనుగప్పె ....
అంత కాంత సీతమ్మ ఆశపడి అడిగె కదా ....
పరుగు పెట్టితీవి నీవు పట్టుకుందు దిట్టమని ...
మాయావి మాటలకు సాగనంపే మరిదిని ....
// దశరథ నందనా
భవభయ భంజనా //
అంతట జంగముగా అరుదెంచె రావణుండు
విధిరాతల మార్చలేని వింతనాటకం
చెరబట్టగ సీతమ్మను చెడుకాలం దాపురించి
చెప్పుడు మాటలపైన పరసతిని చేటుగా .....
// దశరథ నందనా
భవభయ భంజనా //
చెట్టుపుట్ట గాలించి ... చలించిన మనస్సుతో
కుదుటపడే కొంచమంత జటాయువు మాటలతో ...
పయనమయ్యి చేరుకునే సుగ్రీవుని కిష్కింధకు
పవిత్రమైన స్నేహముకై వధించెనంత వాలిని ....
// దశరథ నందనా
భవభయ భంజనా //
వరములతో అంజన్న చిరంజీవి అయినాడు
పరముగా భావించి బంటుగా చేరినాడు ...
అంజనమ్మ తనయుడు వాయుపుత్ర వీరుడు ...
అడుగడుగున సేవించి అనురాగం పొందాడు ...
// దశరథ నందనా
భవభయ భంజనా //
వెనుదిరిగి చూడకుండ పెనుసంద్రం లంఘించి
సీతమ్మ జాడదెచ్చి రామయ్యకు మోదమిచ్చే ..
సైన్యమంత కూడగట్టి సేతువును బంధించగ
సింహళం పయనమయ్యే సింగములై పోరుకు ....
// దశరథ నందనా
భవభయ భంజనా //
వింతగానూ తోచినను విభీషణుండు శరణుజొచ్చె
విధివ్రాతగ వీరులను మట్టుబెట్టే లక్ష్మణుండు ....
సౌమిత్రి మూర్చిల్లగా సంజీవిని పట్టితెచ్చే
అంజన్న వేగిరంగా ఆత్మీయత నింపుకుని ....
// దశరథ నందనా
భవభయ భంజనా //
సూచించెను విభీషణుండు సూక్ష్మంలో మోక్షము
యుద్దములో రావణుణ్ణి సిద్ధముగా చంపంగా...
నెయ్యముతో లంకను విభీషణుకు పట్
కదిలె నంత రామయ్య కరమందించి సీతమ్మకు ....
// దశరథ నందనా
భవభయ భంజనా //
పట్టాభిషేకమున పట్టరాని సంతోషములే
రామరాజ్య స్థాపనల రంజిల్లగ అయోధ్య ...
యుగాలెన్ని గడచినను ఉదాహరింప యోగ్యమై
పాలనెంత మారినను పవిత్రమై బోధించగ .....
// దశరథ నందనా
భవభయ భంజనా //
No comments:
Post a Comment