కవన రవళి
తేది 08-01-2022
తిస్రగతి గజల్
6/6/6/6
వయ్యారీ భామలాగ
మెరిసిపోయె చందమామ
వపా గారి పాపలాగ
మురిసిపోయె చందమామ !
వనకన్యక తళుకులతో
వయారంగ సుతారమై
జలకన్యక సొగసులతో
నిండిపోయె చందమామ
కోట లోన రాణి తాను
కోరి నిలిచె బీద ప్రేమ
మాట లేని మూగ ప్రేమ
వలచిపోయె చందమామ !
యుక్త వయసు వచ్చిననూ
నోరు విప్పి చెప్పలేక
మూగ నోము వరము లాగ
మరిచిపోయె చందమామ !
రాజుపేద రాగములో
రాలిపోయె జంటలాగ
కోటలోని మహారాణి
నిలిచిపోయె చందమామ !
నగునూరి రాజన్న
No comments:
Post a Comment