మహాశివరాత్రి తేది: 17-02-23 శీర్షిక: శివ శివ

 మహాశివరాత్రి 

తేది: 17-02-23

శీర్షిక: శివ శివ 

శివశివ హరహర కైలాసవాసా 

శంభోశంకర మహాదేవ 

హరహర శివశివ సదాశివా

భక్తుల బ్రోవగ రావేరా ....  

భక్తసులభుడవని భావించేరు 

భక్తితో నిన్నుసదా కొలిచేరు 

బోళానాథుడు నీవే కదా ... 

సోమసుందరుడు నీవే కదా .... 

                 // శివ శివ // 

అవినాశుడవని కొనియాడేరు 

అధినాథుడని కీర్తించేరు 

గరళకంఠుడువి  నీవే కదా 

నిటలాక్షుడవు నీవే కదా .... 

                   // శివ శివ // 

పరమశివుడవని ప్రార్థించేరు 

సోమశేఖరుడవని పూజించేరు 

మహేశ్వరుడవు  నీవే కదా ... 

మృత్యుంజయుడవు నీవే కదా ... 

                    // శివ శివ // 

ఆది తెలియదు అంతు చిక్కదు 

ఆదిభిక్షువుగ కీర్తించుదురు 

అపురూపముగా కొలిచెదరు 

ప్రళయకాళుడవు నీవే కదా ... 

పాపవిమోచనుడవు నీవే కదా .... 

                      // శివ శివ // 

మనమున నిన్నే తలిచెదము 

మననముతో తరియించెదము

మాస శివరాత్రి  మహా ప్రీతిపాత్రము. 

మహాశివరాత్రి గొప్ప పర్వదినము …

నగునూరి రాజన్న