అంశం : అవలోకనం
తేదీ: 02 -01 -2019
శీర్షిక : అవలోకనం- నడవడి తీర్పుల త్రాసు
సంఖ్య: 114
మంచి చెడుల సంగమం
కష్ట నష్టాల కల్లోలం
సుఖ దుఃఖాల సంద్రం
మానవ నిత్య జీవనం
గత కాలపు అనుభవాలు
నడిచే కాలపు సోపానాలు
ఈనాటి అవలోకనాలు
నిన్నటి తప్పుల కుప్పల
ఆనవాళ్ల తిప్పలు
బహిర్ ప్రవర్తనకు
అంతర్ అవలోకనమే
విడివడని ముడి బంధం
నడవడి తీర్పుల త్రాసు బందం
అయినా ......
కపట నాటకీయుల కబంధ హస్తాల్లో
కలిమాయల నీడల్లో
కమల కోమలమైన మంచితనం
కబలించబడుతూనే ఉన్నది..
గత ఛాయల నేపథ్యం లేదు
గడుసుతనపు గూండా కాదు
చామన ఛాయా మేనితో
సగటుకన్నా తక్కువెత్తు
భాష మక్కువ బాటసారి
బహు బాషా కోవిదుడు
అనర్గళ వాక్చతురుడు
అవసరాన అందిపుచ్చుకున్న మహనీయుడు
కుటుంబ సభ్యులకొరకు
కుళ్ళు కుతంత్రాలు తెలియదు
దూర దృష్టి కలిగినవాడు
దేశ ఉన్నతిని స్వప్నించాడు
నాడు చేసిన దేశ మేలుకు
తర తమ బేధమనక అన్ని పార్టీల రాజకీయ దురంధరులతో
అన్ని వేళలా అవలోకించబడుతున్నాడు...
సర్వజనులతో సంకీర్తించబడుతున్నాడు
వారే మన పాములపర్తి వేంకట నరసింహుడు .....
నగునూరి రాజన్న
No comments:
Post a Comment