నగునూరి రాజన్న
అంశము : దేశ ముదుర్లు
తేదీ 08-01-2019
శీర్షిక : గంజిబ్రదర్స్
సంఖ్య : 117
అబ్బో ... అబ్బో .....
ఆ డాబు దర్పం ....
రెండు కళ్ళు చాలవంట నమ్ము !
మడత నలగని చొక్కాలు
మడత పేచీల ఘనకార్యాలు
ఉసురు తీసే వంకీల జుట్టు
చేతినిండా ఉంగరాలు
బ్రతుకులార్పే బ్రాస్లెట్లు
పడవంత కారు
పలుకరించాలంటే
ఓ పర్సనల్ సెగెట్రీ ........
అందమైన అబద్దాన్ని
అచ్చు గుద్ది చెప్పగలరు
అరవిరిసిన మాటలతో
అవుననిపించగలరు.
ఊగిసలాడామా ....
ఉనికి లేకుండా చేయగలరు
అధిక వడ్డీల ఆశలు చూపి
అసలుకే ఎసరు పెట్టగలరు .
చీటీలని,పాలసీలని
చిన్న మొత్తాలను కబళించగలరు
కష్టజీవుల జేబులు
కత్తిరించే కసాయిలు
కలి మాయ కమ్మిన జలగలు.
తర తమ భేదమెరుగని
(క )తంత్రీ పాలకులు
రాజకీయ కనుసన్నల్లో
కాఖీల కబంద హస్తాల్లో
చట్టాల చుట్టరికం చూపి
సంపద సరిహద్దలు దాటిస్తారు .
మాయల మరాఠీ మాఫియాను
మైమరిపిస్తారు.
తస్మాత్ జాగ్రత్త........
నగునూరి రాజన్న
No comments:
Post a Comment