మధుర భక్తి

అంశం- మధుర భక్తి 

తేదీ -19-04-2019

శీర్షిక - మనసు నిలిపే భక్తి 

సంఖ్య - 163                  

జీవ రాశులన్నింటిలోకి 

వివేచనా విజ్ఞాన సముపార్జన 

అనుకూల జన్మలన్నింటిలోకి 

ఉత్తమమైనది మానవ జన్మ ... 

ఉత్తమమైన జన్మ మనకు 

ప్రసాదించిన భగవంతునికి,

మాతృమూర్తులకు,

విజ్ఞాన మార్గమును చూపిన 

గురువులకు ఎన్ని చేసినా 

జీవితాంతం ఋణం తీరదు....  

పూజా విధానమే  తెలియదంటూ 

పూలు పండ్లు సమర్పించి 

పరిచర్యలు చేసిన కన్నప్ప ది 

మధురమైన భక్తే  ..... 

నామ స్మరణ చేస్తూ 

అనేక కీర్తనలు గానం చేసి 

వాగ్గేయకారులైన 

రామదాసు , అన్నమయ్య లది 

మధురమైన భక్తే... 

మనసునర్పించి తపించిన 

మీరాబాయి, గోదాదేవి,గోపికలది 

మధురమైన భక్తే... 

అమ్మ నాన్నలను మించింది 

లేదంటూ అహర్నిశలు 

కాచుకున్న శ్రవణుడిది 

మధురమైన భక్తే... 

మనుసు నిలిపి కొలిస్తే 

మధురమౌ భక్తి  బంధం.... 

నగునూరి రాజన్న 

కరీంనగర్ (ప్రస్తుతం :రిచ్మండ్ )