అంశం :సీతా కళ్యాణం
తేదీ 13-04-2019
శీర్షిక : యుగాలు మారినా ఆదర్శం.
సంఖ్య : 158
సిరుల తల్లి శ్రీలక్ష్మియే
జనకుని ఇంట జానకి మాతాయే
ఆటపాటల కదిలించిన శివధనుస్సే
ఆధార సాధనమయ్యే స్వయంవరానికి ....
కారణ జన్ముడు
సూర్య వంశ సుందరుడు
ఇలవంశ వారసుడు
అరవింద దళాక్షుడు
అన్నదమ్ముల అనురాగానికి
ఆచంద్రార్కం నిర్వచనీయం...
తండ్రి మాట తనయుల
కట్టుబాటుకు తార్కాణం...
గురువులంటే గురుతరం
ఆధ్యాత్మికానికి అండదండ...
గురువాజ్ఞతో కోదండుడు
శివుని విల్లు విరిచే ...
జనక రాజు తనయ
సీతమ్మను వలచె ....
ఆ దేవ దేవుల
కళ్యాణం కమనీయం
చూచినా వారికి సుందరం
యుగాలు మారినా ఆదర్శం ....
నగునూరి రాజన్న
కరీంనగర్ (ప్రస్తుతం :రిచ్మండ్ )
No comments:
Post a Comment