అంశం: కలిసి నడుద్దాం
తేదీ: 13 -02 -2019
శీర్షిక గెలిచి నిలుద్దాం
సంఖ్య : 143
అమ్మ నాన్నల ఆత్మీయతలు
తోబుట్టువుల అనురాగాలు
బంధు మిత్రుల బంధనాలు
ఆర్ధిక బంధాలై అటకెక్కుతున్నాయి
నవ నాగరికత నడకలో...
యువ పాశ్చాత్య పోకడలో ....
అహం బ్రహ్మాస్మి బతుకులో ....
సాంకేతికత సవాళ్ల సొబగులో....
చరిత్ర పుటల్లో నిలిచిన
చర్విత చరణాలుగా మిగిలిన
గర్వకారణమైన ప్రేమాప్యాయతలు
మన దేశ సాంప్రదాయపు ఆనవాళ్లు...
అనాది నుండి పరికిస్తే
ఆలనలకైనా పాలనలకైనా
కలిసి నిలిచిన మానవుడు
కథా సాగరుడే మిత్రమా!
కుటుంబమైనా సంఘమైనా
కలిసి నడిస్తినే పథం చేరేది
దేశమైన విశ్వమైనా
కలిసి నడిస్తేనే ప్రగతి సాధించేది....
విశ్వపు అంచుల్లో గెలిచి నిలిచేది ....
నగునూరి రాజన్న
No comments:
Post a Comment