అంశం : అదృశ్య హస్తం
తేదీ: 02 -04 -2019
శీర్షిక : ఆమ్మ పెంపకం
సంఖ్య : 154
గుర్తుకొస్తున్నాయి ఆ మధుర క్షణాలు
మరువలేకున్నాము ఆ తీయందనాలు
అమ్మా! నీ అనుభవాల జ్ఞాపకాలు
మాతో పంచుకున్న మంచి విషయాల దొంతరలు...
అతి చిన్న వయసులో మీరు పడిన కష్టాలు
అరకొర సౌకర్యాలతో మీరు దాటిన జీవితాలు
ఉమ్మడి కుటుంబాల ఆనందపు ఊసులు
విడి బ్రతుకుల జఠిలమయ్యే భారాలు.........
మా భవిష్యత్తే మీ గమనంగా
మా బాగోగులే మీ స్మరణంగా
కన్ను మూసినా, తెరచినా మా ధ్యాసే
కల కనినా, ఇల చేసే ప్రతి నిమిషం మా కోసమే...
పెంపకంలో నీ పద్ధతులు
పెనుసవాలే బంధు మిత్రులకు
శిక్షణలో నీ కాఠిన్యం నిరుపమానం మాకు
కనుసైగల్లో కదలాడిన మేమంతా ....
కన్నవాళ్లమైతే గాని కనువిప్పు కాలేదమ్మా ...
ముక్కు చీదినా, పక్క కదలక పోయినా
దిక్కు మనకు రాజేషుడే సుమాని
చక్కని దైవాన్ని చూపించి, ఎప్పుడూ
మొక్కులు చెల్లించావే మనసారా ....
అనాయాస మరణంతో
ఆత్మనైతే జయించావు గాని...
అదృశ్య హస్తముతో సదా అభయమిచ్చి
అడుగడున మమ్ము ఆదుకోవమ్మా.......
నగునూరి రాజన్న
No comments:
Post a Comment