అంశం : ఏప్రిల్ ఫూల్
శీర్షిక : మనతోనే మారాలి....
తేదీ : 01 -04 -2019
సంఖ్య : 153
భాషేదైనా దేశమేదైనా
భావ పరంపరలు మాత్రం ఒకటే....
ఎదుటివారు చిన్నబోతే ఎగిరి గంతేస్తాం
ఎవరైనా మనల్ని చేస్తే మాత్రం
ఎరుక చెప్తాం సంప్రదాయాల
సంస్కారాల సవివరాలు....
వద్దు వద్దంటూనే వరుస మరిచిపోవడం లేదు
పాశ్చాత్య పోకడలంటూనే
పట్టుకుని వేలాడుతున్నాం.....
సంప్రదాయాల సరాగాలు వల్లిస్తూనే
సర్దుకుపోతున్నాం .......
దేవదేవుడైన పురుషోత్తముని
ద్వారపాలకులైన జయ విజయుల
శాప విమోచన తరుణోపాయంగా
మిత్రుత్వంగా ఏడూ జన్మలని
శత్రుత్వంగా మూడు జన్మలన్నారు... కానీ
మనకు ఎన్ని తరాలుపడుతుందో...
మనవి కాని మతలబులు వదిలించుకోడానికి...
నగునూరి రాజన్న
No comments:
Post a Comment