బాల సాహిత్యం

బాలల దినోత్సవం సందర్భంగా....

మురిపమైన బాలలం
ముద్దబంతి పూవులం
ముద్దు ముద్దు గుమ్మలం
ముదము పంచు పిల్లలం

ప్రకృతి రమణీయతలం
తరువుల్లో పువ్వులం
జీవజలపు ధారలం
జనప్రాణ వాయువులం

బోసి నవ్వుల ఆస్తులం
బోలా శంకరుని వారసులం
బంగారు రువ్వులం
బాలలం మేము బాలలం

వికసించే పువ్వులం
విరబూసే నవ్వులం
విహరించే గువ్వలం
విశ్వానికి విజేతలం

అందమైన తారలం
అమ్మా నాన్నల ఆశలం
అరుదైన ఆనందాలం
అవ్వాతాతల అండదండలం

భరతమాత పుత్రులం
భారతమ్మ ఆస్తులం 
భవితవ్యానికి శ్వాసలం
భావితరపు వారసులం

సరస్వతీ పుత్రులం
శ్రమించే వీరులం
విజ్ఞానపు రాశులం
శాసించే ధీరులం

ఆట పాటల  పూదోటలం
ఆనందాల మారాజులం
ఆపదలో ఆప్తులం
అమాయకత్వానికి అడ్రసులం

జాతికి జవసత్వాలం
దేశానికి ఎల్లలం
విశ్వంలో విజేతలం
విశ్వ శాంతి కపోతాలం.

నగునూరి రాజన్న