ముఖ పుస్తకం

అంశం : ముఖ పుస్తకం 

తేదీ: 10 - 04 -2019 

శీర్షిక : మర్మ యోగి 

సంఖ్య : 156 

ఇరుమనుషుల ఇంగితాలను 

ఇగురంగా ఇచ్చిపుచ్చుకునే ఇలవరుస....

ఇసుకపైన మొదలైన భావ పయనానికి 

ఇరుసువలె నిలిచింది మానవాళికి ... 

భావ పరంపరల మార్పిడికి భాష సాధనమైతే 

బహుజనుల చెంత చేరవేతకు ముఖపుస్తకం 

బహుళ ప్రాచుర్యం పొందిన బడా బంటు 

సమకాలీన వెలసిన సరసోజ్వల సాంకేతికత...

అందరిని కలిపి నిలిపే అరుదైన సాధనం... 

అరచేతిలో అందంగా అమిరిన 

అపురూప చురుకైన చరవాణిద్వారా 

అహోరాత్ర సమాచార వాహినియై 

               వల విసిరే మానవాళిపై ....

ఉరుకుల పరుగుల జీవితాలకు 

ఉలుకు పలుకులకు  కూడా సమయాభావమై 

ఉన్న ఫలంగా స్థితిగతులు ఉటంకించి

బంధు మిత్రులకు చేరవేయు... సమయానుకూల సవినయాలకై .... 

తాజా సచిత్ర సమాచార హారమై 

తక్షణ సందేశాల పరంపరలతో 

సంక్షిప్త ప్రచురిత సదుపాయంగా 

సకల జనులచే సన్నుతించబడె సలక్షణంగా ....

మంచి చెడులు తెలిసిన మర్మయోగి 

ఎంచి నడచుట మన కర్తవ్యం 

పొంచి నిలిచిన చెడును హద్దుంచి

మించి గెలిచి తీరవచ్చు ఈ ప్రపంచాన్ని.... 

నగునూరి రాజన్న