అంశం - చిత్తైన ఆశలు
తేదీ - 24-04-2019
శీర్షిక - బక్కోడి భవిష్యత్తు
సంఖ్య - 167
కష్టం ఎప్పుడు ఎనభై శాతం మందిది
సంపద ఎప్పుడు ఇరవై శాతం మందిది.
దశాబ్దాల చరిత్రలతో లక్షల జనాల
దశ మార్చుతున్నాయి కదా అని...
అహారహరం శ్రమించి పోగు చేసుకున్న
ప్రతి రూపాయను ఎంతో ప్రాణప్రదంగా...
కూడు గుడ్డ మానుకుని కూడబెడుదామని,
జీవితంలో ఎప్పుడు చూడని పెద్దమొత్తాలైతే
భావి అవసరాలకు ఉపయోగపడుతాయని
భవ్యమైన ఆలోచనలతో ముందుకెల్దామని....
పిల్లల చదువులకని కొందరు....
పెళ్లిళ్ల ఖర్చులకని ఇంకొందరు....
ఇళ్ళు కట్టుకుందామని ......
బళ్ళు కొనుక్కుందామని .....
ఉద్యోగములో ఉన్నవాళ్లు,
ఉద్యోగ విరమణ పొంది
పెన్షన్ తీసుకుంటున్న వాళ్ళు ....
పాలు అమ్ముకునే వాళ్లు ,
పళ్ళు, కూరలమ్మేవాళ్లు .....
చిరు వ్యాపారాలు చేసుకునే వాళ్ళు ...
వందలు, వేలు కాదు కాదు లక్షల మంది
తమ తమ చిన్న చిన్న ఆశలను
అణచి పెట్టుకుని చిట్ ఫండ్ లలో
పొదుపు చేసుకుంటే......
చిన చేపను పెద్ద చేప మింగినట్టు,
చిన మాయను పెద్ద మాయ కమ్మినట్టు ...
చిన్న చిన్న ఆశలను చిత్తు చిత్తు చేస్తూ ....
రాజకీయుల, అధికార్ల అండదండలతో
బోర్డులు తిప్పేసి, బిచానాలు ఎత్తేస్తున్నారు.
వ్యవస్థాపక దశ నుండే మంచి అజమాయిషీ
వ్యవహార దశలలో ప్రతి నియమిత కాలానికి
పాలక అధికార శాఖల ఆజమాయిషీలుంటే
ఈ పరిస్థితులు రావు కదా !
బక్కోడి భవిష్యత్తు బలిసినోడి బంతాట .... కాదు కదా !
ఇప్పటికైనా ప్రతి పాలకుడు, అధికారి
కళ్ళు తెరిస్తేనే ..... ప్రజా సంక్షేమం....
No comments:
Post a Comment