కొత్త దనం

అంశం-కొత్త దనం 

తేదీ -25-04-2019

శీర్షిక - మహోన్నత గమ్యం 

సంఖ్య -168

నిత్య చైతన్యమే 

నూతనత్వం .... 

కాలం మారగానే

పాత నీరు పోయి 

కొత్త నీరు వచ్చినట్టు 

మనుషులు మారగానే 

తరం మారినట్టు 

ప్రతి పాత పోతూనే ఉంటుంది 

అనేక "కొత్త" వస్తూనే ఉంటుంది 

పాత అంటే చాదస్తం కాదు 

కొత్త అంటే వింతేమీ కాదు 

మార్పులోనే పుడతాం,

మార్పులోనే పెరుగుతాం

మార్పంటేనే....  కొత్తదనం 

కొత్త కొత్త వింతలన్నింటికీ పాతే ఊతం.  

విధానం మారితే చాలు వింతే మరి 

ప్రధానంగా ఉండే అంగాలు అవే సుమా!

కాలమార్పులో ప్రకృతి ఎలా మారుతుందో 

కొత్తదనంలో చేసే విధానం, తీరు మారాలి. 

  

గ్రీష్మం మారి వసంతం రాగానే 

పండుటాకులు రాలి పచ్చనాకులు వచ్చి 

కాంతులు విరజిమ్మే కాలాలు మారుతాయి

రంగులు మార్చి  హంగులు కూర్చి 

మనసు పొంగులకు మూలమౌతుంది 

కానీ పంచభూతములన్నీ పాతవేగా ... 

కొత్తదనానికి ఆహ్వానం పలకాలన్న 

పాతదనంపై నిలబడితేనే .... 

పద్ధతులు మాత్రమే మారుతుంటాయి 

మనుషులు మాత్రం యథా తథం.... 

ఆవేశాలు ఆవరించినపుడు 

అగాధాలని భ్రమించే వారికి 

ఆలోచనలు మారితే 

ఆత్మీయతలు తోడవుతాయి... 

మన చుట్టూ ఉండే మనుషులు వాళ్ళేగా 

కొత్తదనం ఎప్పుడూ 

మహోన్నత గమ్యానికి 

గమన మార్గమవ్వాలి...  

నగునూరి రాజన్న 

కరీంనగర్ (ప్రస్తుతం :రిచ్మండ్ )