సృజన

అంశం : సృజన 

తేదీ 08-02-2019

శీర్షిక : విధాత సృజనకు శ్రీకారం... 

సంఖ్య : 141

వినమ్రంగా పరికిస్తే 

వివరంగా పట్టుబడదా...  

విశ్వం అడుగడుగున నింపిన 

విరివైన రహస్యాల విజ్ఞానఖని

విధాత అనన్య సృజనకు శ్రీకారమని !

ఆలకిస్తే  అవగతమే ...  

అలుపనేదే లేకుండా 

అవసరాలకనుగుణంగా 

అడగక ముందే ఇంటిల్లిపాదికి 

అన్నీ అనుగుణంగా అమర్చే 

అమృత మూర్తి ఆప్యాయతల గని 

అందరిని చేరలేని  

ఆదిదేవుడు సృష్టించిన 

అపురూప సృజనకు ఓంకారమని !

నిలకడగా గ్రహిస్తే 

నిఖిలమే కదా.... 

నియాండర్తల్  దశలనుండి 

నిశబ్దాలను ఛేదించి 

నియమానుసారంగా 

నిష్ఠతో శబ్దాలకు రూపమిచ్చి 

నిజ భాషలను బ్రతికించిన 

ఆది గురువులకు వందనం !

నగునూరి రాజన్న