అంశం - కమ్ముకున్న మేఘాలు
తేది -23-04-2019
శీర్షిక - కరుణ గల్ల వరుణుడు
సంఖ్య -166
కమ్ముకున్న మేఘాలతో కకావికలం కావించె
కర్షకలోకాన్నిగురిపెట్టె నెందు
అల్ప పీడనంగా బయలుదేరి
రైతుల పీడనానికై వస్తున్నవి
అకాల వర్షాలకు ఆగమాయె అన్నదాత
ఆదిలాబాదు మొదలుకుని
ఆసాంతం రాష్ట్రములో
అతలాకుతలం ప్రజా జీవనం
అగ్నిని తలపిస్తున్న కాలంలో
ఆమనిలా ఆవరించిన మేఘాలు
క్యుములో నింబస్ లంటూ
కుమ్మరించి పోతున్నాయి...
కుండ పోత వర్షాలకు
కుదేలయ్యే పంటలన్నీ....
వరిపంటలు, వాణిజ్య పంటలు,
పండ్ల తోటలు వరుసబెట్టి వట్టి పోయే
మోడువారి బీల్లాయే...
చేతికందే పంట గింజలు
చెలుకన రాలి పాయే ....
వడగండ్ల వానలతో
కడగండ్లు మిగిల్చి పాయె...
అనావృష్టి చాన్నాళ్లు
అతివృష్టి కొన్నాళ్ళు
ఆరుగాలం శ్రమించే రైతన్నకు
అదేపని ఆపద కాలం....
బక్క చిక్కిన రైతన్న
చిక్కి శల్యమాయె చూడన్నా ....
కంటికి రెప్పలా కాచుకున్న పంటలన్నీ
కబళించే కలికాలపు వానలు....
అకాల వర్షాలకు
ఆగమైన ఆత్మ బంధును
సకాలంలో స్పందించి
సాయమందించాలి ప్రభుత్వాలు....
నగునూరి రాజన్న
No comments:
Post a Comment