సెలయేరు

అంశం : సెలయేరు 

తేదీ : 06 -02 -2019 

శీర్షిక : మంచినీటి చెలిమె

సంఖ్య: 139 

ఊరూరి పిల్లకాల్వలు 

ఊర్లన్నీ తిరిగి తిరిగి

వాగు వంకలై

మా ఊరు వచ్చింది వయ్యారంగా 

సిల సిలా అంటూ మురిపంగా

సెలయేరు అయ్యింది చిత్రంగా 

మంచినీటికి చెలిమెలయ్యింది 

పంటనీటికి చేయూతనిచ్చింది 

పైరగాలికి పచ్చని పైట వేసింది 

పశువులకు మేకలకు మేత  నిచ్చింది 

తన గట్టున మనకు వనభోజనాలు పెట్టింది 

చెరువు కుంటల్ల నీళ్లు నింపింది

చేపలకు తావై చేతివృత్తులనిచ్చింది

చెట్టు చేమకు తోబుట్టువయ్యింది 

బావుల్ల నీళ్లు నింపి బతుకు నిలిపింది 

భూగర్భ మట్టం పెంచి నిలిచింది 

గంగమ్మ తల్లికి పిల్లగా వెలసింది

గౌరి పూజల్లోన గొలుసు కట్టై నిలిచింది

చాకి రేవులకు తావై చావు పుట్టుకలకు కేంద్రమయ్యింది 

అన్నింటా తానై మనిషి ఆర్తులు తీర్చింది కానీ ....

మనిషేమో నిలువునా చీల్చేసి 

ఇసుకంతా లాగేసి బండరాళ్లను సైతం 

పెకలించి వేసి మాఫియాలను పెంచి పోషించి

మాయ జెసి మలినాలను నింపేసి 

కాలుష్య కాసారంగా మార్చేసి

కాలయముడౌతున్నాడు.... 

కడకు తన ఉనికికే 

ఎసరని తెల్సుకోలేకపోతున్నాడు ......

నగునూరి రాజన్న