భవ బంధాలు

అంశం - భవ బంధాలు
తేదీ- 22-04-2019                  
శీర్షిక - కుటుంబ బంధాలు
సంఖ్య - 165

అనన్య విశిష్టం మానవ జన్మం

పూర్వ జన్మ ఫలిత సారం
పురుడు పోసుకునే బంధాలే
భగవత్ సంకల్పమైన భవ బంధాలు...

ఆత్మీయతలకు ఆనవాళ్లు
అపురూపమైన అందాల బంధాలు
అమ్మా నాన్నలు, అన్నదమ్ములు, ఆలుబిడ్డలు
అక్కాచెల్లెళ్లు ఆదిగాగల కుటుంబ బంధాలు

అనుకుంటే అల్లుకునేవి కావు
అనుకోలేదని ఆగేవి కావు
అనుమతులతో వచ్చేవి కావు
అన్నీ ముందే నిర్ణయింపబడుతాయి.

ఎరిగినా, ఎరగక పోయినా
ఎంతో మంది సహాయ సహాకారాలతో
ఎరుకైనదే  ఈ మానవ జీవితం
ఎప్పటికైనా గుర్తించుట మానవ ధర్మం.

కర్మణ్యే వాధికారస్తే మా ఫలేషు కదాచన
మా కర్మ ఫలహేతుర్భూ: మాతే సంగోస్త్య కర్మణి
గీతాచార్యుడు ప్రభోదించినట్లు
ఫలితామాశించకుండ పనులు  నిర్వర్తించడమే.....
భవబంధాల బంధనమే మహనీయతకు మార్గం ....

నగునూరి రాజన్న
కరీంనగర్ (ప్రస్తుతం :రిచ్మండ్ )