వికారి ఉగాది

అంశం : ఉగాది 

తేదీ : 06 -03 -2019 

శీర్షిక : వికారి 

సంఖ్య : 155 

ప్రభవ విభవాది కాల చక్రం లో 

పదిలంగా చేరుకున్న ‘వికారి’

నీకిదే మా ఆత్మీయ ఆహ్వానం 

పబ్బతి పట్టి వేడుకుంటున్న 

ఉదయ సాహితీ వాట్సాప్ వేదిక పక్షాన .....

కవలలైన తెలుగువారికి నీవు

కనులపండగై నిలువమ్మా ... 

ఆనందాల చిరునామాగా  హరివిల్లై 

అరుదెంచు ఆది పర్వం ‘యుగాది’యై 

సర్వజిత్ లో స్వాతంత్య్రం వచ్చి 

సానుకూలంగా డెబ్బది రెండేండ్లయినా ....

సాకారం కాలేదు సాధారణావసరాలు సైతం

సకల జనులకు సాంతం ఈనాటికి......

వందలేండ్ల పర పాలనలో పీడితులమైనా

వదలడం లేదు మన పాలకులకు జాఢ్యం .....

వడి కలిగిన అభివృద్దికి బాటలేయక

పిడి వాదపు బతుకులకు మొగ్గు జూపుతున్నరు.....

వికారివై నీవస్తున్న శుభ తరుణాన, ప్రజలంతా

బికారులు కాదన్న పచ్చి నిజం బహిర్గతం చేసి

దగాకోరులై వ్యవహరిస్తున్న నాయకులను మేల్కొలిపి

దళారులను బ్రతికించే పథకాలకు ఉద్వాసనలు చెప్పమ్మా........