కీర్తి పతాక
తేది : 22-07-22
శీర్షిక : వైవిధ్యమే .....
అవకాశాలన్నీ ఇరుగు పొరుగులే
ఆత్మీయతలను అల్లుకుని
అవపోశనలను అక్కున చేర్చుకుని
అంకిత భావాల ఆదరణలతో
అడుగులు ముందుకెయ్యడమే ....
అందరు నిత్యం చేసేదైనా
అందంగా తీర్చి దిద్దడమే ...
వరుసగా చేయడమే కాకుండా
వైవిధ్యతలను జోడించడమే .....
అదృష్టానికి అర్రులు చాచకుండా
ఆచరణలతో ఆహ్వానం పలకాలి ....
చేరలేని రహస్యమేమీ కాదు
చేతలను పట్టువదలక పయనించడమే .....
తొందరలతో పందిరేయడం కాదు
ఓర్పుతో నేర్పులను జతచేయడమే ...
గమ్యం లేని గమనాల కన్నా
ఉన్నత లక్ష్యాల ఓటములే మిన్న ....
బద్దకాలను సుతారంగా వదిలి
భయాలను తరిమి కొట్టాలి ....
అడ్డదారులను గుడ్డిగా నమ్మక
శుద్ధ ఆలోచనల తరంగాలతో కదలితే ....
కాదా ఎవరికైనా పాదాక్రాంతం .....
నగునూరి రాజన్న
No comments:
Post a Comment