ఆకాశాన జాబిల్లి
తేది : 23-05-2022
శీర్షిక : అందమైన వెన్నెల పూవు
కవిత సంఖ్య : 129+6
అమ్మ చంకనెక్కి ఆరున్నొక్క
రాగమాపి ... అపురూపకంగా చూస్తూ
అలకలు తీర్చుకున్న జాడలే .....
చిన్ని బొజ్జ నింపుకొనగ చిలిపి చంద్రుడే....
ఆలమందలు ఇంటికొచ్చే
సమయానికి వెన్నెల పూలు
వెదజల్లి.. నిలువెల్లా పులకరింపజేసిన
పుణ్యమూర్తి మన శశిధరుడు ....
ఆదిదేవుని శిఖనలంకరించి
అచ్యుతునికి అపనిందల సద్ది
మూటలు కట్టి ... ఆధ్యాత్మికతల
కథలనల్లుకున్న చల్లని దేవుడు .....
అతివల ముఖారవిందముల
అలంకరణల పోలికలయ్యి ...
కవన సేద్యపు కమతంలో
కవుల కలాలకు చేయూతలినిస్తూ ....
స్వాతి ముత్యమై సవరించుచుండె .....
శుక్లపక్షంలో వృద్ధి చెందుతూ
బహుళ పక్షంలో క్షీణిస్తూ ....
జీవన సమరంలో చీకటి వెలుగుల
చిద్విలాసములు సమమని సూచన గావిస్తూ ....
ఋషులు కృషితో రాశిపోసిన
విజ్ఞాన విరులనే వింతగా
కాలగమనంలో అప్పుడప్పుడు
మనిషి ఉన్నవాటిని వల్లెవేస్తూ....
ఆవిష్కరణలంటూ...కిరీటాలు
అలంకరించుకుంటున్నారు .....
పాలపుంతల పుట్టు పూర్వోత్తరాలు
నవగ్రహాల నడక నీడల గ్రహణాలు
నక్షత్ర సూర్య చంద్రుల గమనాలు
కాల గమనాలకు అనుసందానించిన విధం ....
అప్పుడప్పుడొచ్చే ఆ గ్రహణాల లెక్కలు ....
అపురూపమైనవి ఎన్నెన్నో .....
No comments:
Post a Comment