కాలం మాట్లాడుతుంది
శీర్షిక : గురువు
Dt. 09-01-2022
ముక్కు పిండే చిక్కు వీడని సమస్యలకు
దిక్కు దివాణం లేని లెక్కలేనన్ని ప్రశ్నలకు
ఒక్క కాలమే చక్కని పరిష్కారం …
అవును కాలమే చిక్కని సమాధానం ....
గత కాలాలను చరిత్రలుగా నెమరువేస్తూ…
ప్రస్తుతాల సమయాలను చిత్రంగా చిత్రీకరిస్తూ..
భవిష్యత్తులను ఓరకంట కనిపెడ్తూనే…
మొత్తంగా తానే గురువుగా చాటుకుంటుంది.....
జయాపజయాలను అందించి…
అంతా తనవల్లేనన్న మనిషి
భ్రమలను పటాపంచలు చేస్తూ…
ధర్మ స్తంభమై స్థిత ప్రజ్ఞతగా
నిలబడుతుంది ......
ఎత్తుపల్లాలను రుచి చూపిస్తూనే
ఆపద సంపదలను అందిస్తూనే
కష్ట సుఖాలను కలబోసి కాచి వడబోసి…
కదిలిపోయే పరిస్థితులకు సాక్షీభూతమై
నిలుస్తుంది ....
మాటలలో చెప్పకుండా .. చేతల్లో చూపిస్తూ
మర్మoగా తెలిపే బోధనలను
మనసుపెట్టి వినమంటూ …
తన చెప్పుచేతల్లోకి మనల్ని లాక్కుని
స్వాధీనపరుచుకుంటుంది....
నగునూరి రాజన్న
కరినగరము.
No comments:
Post a Comment