అసలైన ఆయుధాలు
తేది : 18-01-2022
శీర్షిక : మది మల్లె పరిమళం
కవిత సంఖ్య : 85+7
ఆటవికతలను అధిగమించి
నాగరికతలలో నడకలు నేర్పింది
శత్రువులైనా ఎత్తుకెళ్లలేనిది
మిత్రునిగా వెన్నంటేది అక్షరాస్యత ....
జీవరాశి క్షేమం కోరే ప్రకృతికైనా
ప్రకృతిలో ప్రభవించిన
పంచభూతాలకైనా ... సందర్భానుసారం
కొన్ని ప్రత్యేక నీతి నియమాలు ..
జీవరాశి అన్నింటిలో మిన్నంటూ
మానవాళిని ప్రత్యేకంగా నిలిపిన
ఆలోచన ... వివేక... విచక్షణలు...
అజ్ఞానాలు రూపుమాపే విజ్ఞానం .....
మాటరాని పక్షులు సైతం
మాలలా విహరిస్తాయి ఆకాశంలో ...
ఆకలి లేని జంతువులయినా
అసలు వేటాడదు అక్కరలేకుండా ...
అదేకదా అసలైన క్రమశిక్షణ .....
ఆయుధాలు ఎన్ని ఉన్నప్పటికీ ...
అసలు ఆత్మీయత లుప్తమైతే ....
మానవతనే మరుగునపడుతుంది ...
మది మల్లె పరిమళాలు వెదజల్లితేనే
ఎల్లలెరుగని సామ్రాజ్యాలను
సుస్థిరం చేయవచ్చు .....
నగునూరి రాజన్న
కరినగరము
No comments:
Post a Comment