సంసార సరిగమలు
తేది : 28-01-2022
శీర్షిక : రాగయుక్తమే ....
కవిత సంఖ్య: 833
పూర్వ బంధాల పునీతమో
వేదమంత్రాల మహిమాన్వితమో
సాంప్రదాయాల సందళ్ళ సత్కృషో
విశిష్ట సదాచారాల పూదోట ...
వివాహ వ్యవస్థ మన దేశాన....
మూడు ముళ్ళతో ఒకటైన నుండి
ఏడడుగులు వేసిన క్షణంనుండి ...
ఆత్మలు రెండూ ఏకమయ్యే కచేరి
రాగయుక్తమైతే అంతా సవ్యమే ...
బాధ్యతల బందీలో బ్రతుకుబాటలో
అప్పుడప్పుడు అరకొరల కోలాటాల
చిరు కోపాల చిత్రసీమలో .....
అలకలు ... బుజ్జగింపులు....అన్నీ
అందమైన విరులే .... పొదరింటికి ....
అన్యోన్యతల కంకణాలు కట్టుకుని
అనుబంధాల పందిళ్ల నీడలో
సేదదీరే అపూర్వ జంటలలో
ఆణిముత్యమై చేరదా రాగయుక్తమై .....
సరిగమల సంగమం ....
ఆరున్నొక్క రాగం లేకుండా
అనురాగాల తానం నాశ్రయించి
సుస్వరాల పల్లవితో మొదలై
సుందర చరణాలతో సాగితే ...
ఆ ఆలుమగల జీవితం
ఆద్యంతం అనురాగ వసంతమే ....
నగునూరి రాజన్న
కరినగరము
No comments:
Post a Comment