నా చూపు రేపటి వైపు తేది: 03-02-2022 శీర్షిక : అనుభవమే అనువైన ఆయుధం

 నా  చూపు రేపటి వైపు

తేది: 03-02-2022

శీర్షిక : అనుభవమే అనువైన ఆయుధం 

కవిత సంఖ్య : 838

కోతి నుండి పుట్టాడు మనిషిన్న 

వాదన జగమెరిగిన సత్యమే .... 

పరిణతుల పథంలో పయనమే 

గతానికి మెరుగులు దిద్దుకుంటున్న 

గమనశీలతలే... నవ నాగరితకు 

నడిచే అడుగుల మార్గదర్శకాలు .....  

గడిచిన గతమెంత ఘనమైనదైనా  

కొన్నిసార్లు గవ్వకు కొరగానిదే కావొచ్చు .... 

కానీ ... అనుభవాల పునాదులే చాలాసార్లు 

ఆశల భవంతులకు ఆధారాలు ..... 

ఆశయాల సాధనలకు మూలాలు .....  

నిన్నటి మీద నేడు ... నేటి మీద 

రేపు మనిషెప్పుడూ మనో విజ్ఞానుడే .... 

వర్ణమాలలు వల్లె  వేయడం నుండి 

పదాల పూదోటలలో విహరించగలగడం ..... 

విజ్ఞానాల పుస్తకంగా జోడించుకోగలగడం ..... 

బుడి బుడి అడుగుల తోవల్లో 

తప్పటడుగుల దారుల్లో అప్పుడప్పుడు 

అవాంతరాల అంతరాలు ఎదురైనా ... 

బాహుళ్యములో బహుగొప్ప పునాదిరాయి .... 

గతమైనా .... ప్రస్తుత గమనమైనా  

జతచేసుకుని .... బంగారు భవిష్యత్తుకు 

మార్గం సుగమం చేసుకోవడమే 

అనుభవం మానవాళికి అనువైన ఆయుధం ..... 

 

నగునూరి రాజన్న 

కరినగరము