ముసుగు
తేది : 18-01-2022
శీర్షిక : కనుమరుగవుతున్న మంచితనం ....
కవిత సంఖ్య : 201
కాల మార్పులో లేక మహిమలో
కాలుష్యాల ప్రభావాలో
ముసుగులే అన్నింటా
మునిగి తేలుతున్నాయి .....
తాగే నీళ్ళల్లో .... పాలల్లో ....
తినే తిండిలో .... పండ్లలో ....
కూరగాయల్లో .... ఇందు గలదు
అందులేదను సందేహం వలదు
ఎందెందు వెదికినను అందందే
కలదు కాలుష్యం కల్మషం ......
ఉప్పెనలాంటి కఠోర కాలుష్యాల
పొరలతో... నీళ్లను కప్పేస్తుండే ....
నిత్యం కమ్మేస్తున్న దుమ్ము ధూళితో
వాతావరణాల అసలు పొరలు .....
ఆత్మీయతలు ... అనురాగాలు....
అనుబంధాలు .... అన్నీ కలుషితమై
ముసుగు ధరించుకుని
మురిసిపోతున్నవి .....
మనిషిని మనిషి నమ్మే స్థితి లేదు
మానవత్వం అంతరించి
జడత్వాన్ని సంతరించుకుంటున్నది ...
ఆటవికతయే అంతటా విస్తరించి
పెనుభూతంలా అల్లుకుంటున్నది ...
సేవలు మరిచిన పాలనలు
బాగోగులు మరిచిన అధికారాలు ...
సాటి వారిని మరిచిపోతున్న
ఛాందస మనస్తత్వాలు .....
ముసుగు మురిపించాలి లేదా
చెడును మరిపించాలి అంతే గాని
అసలు మనిషిని మరిపించరాదు
ఆనందాలను హరించరాదు ....
నగునూరి రాజన్న
కరినగరము
No comments:
Post a Comment