పండగ ముందు
తేది : 10-01-2022
శీర్షిక : నెలంతా పండగే
కవిత సంఖ్య : 85+2
హేమంతములో వెన్నముద్దలా
చలివణుకులకు చలించేంత
లార్వా జీవితాల అరకంట్లాలు ....
దుప్పట్లకింద దూరిపోవడాలు ...
కొత్తపంట చేతికొచ్చాక...కొండెక్
ఆనందాలు హాలికుని మోములో
ఇల్లంతా ధాన్యంతో నిండగానే
సంతోషాల సరదాలు ఇల్లాలు పిల్లల మోముల్లో ....
గంటలు ఘడియల వ్యవధిలో
వచ్చి పోయే పండగ రోజుకన్నా....
వస్తుందన్న ఊహలతో ఆడే
గుసగుసలు... హడావుడే బహు
పసందు....
మాస నిర్ణయంతోనే మారిపోవు
పల్లె వర్ణం ....పసిడి రంగుల
కళ్ళాపి జల్లి... వాకిళ్ళలో
పండువెన్నెల్లయి పరుచుకును
పిండిముగ్గులు ....రమణులంతా
గూడి రంగవల్లులు తీర్చి దిద్దుతూ ...
రాచవీధులుగా రంజింప చేసేరు...
పక్షం ముందునుండే పసందైన
ఫలహారాల తయారీలతో
పడతులంతా ప్రయోగాలు చేయ ...
కొత్త వస్త్రాల కొనుగోళ్లతో
పిల్లలంతా సందళ్ళు చేయు ...
మూడు రోజుల పండగై
మురిపించు తెలుగువారిని ...
కోరి పిలిపించుకునే కొత్త
అల్లుండ్లతో కళ కళ లాడుతూ ....
నగునూరి రాజన్న
కరినగరము
No comments:
Post a Comment