వంతెన
తేదీ 01 - 02 -2019
శీర్షిక : తర తరాల సాంప్రదాయం
సంఖ్య: 135
విశ్వం కన్ను తెరువక ముందే
విలువలు పాటించిన జాతి
సదాచారం సత్సాంప్రదాయాల
పుణికిపుచ్చుకున్న పుణ్యభూమి
సుందర పరిమళ మంటపాన
పూర్వ బంధం ఉన్నా లేకున్నా .....
వేద పండితుల దీవెనలతో
ఒక్కటయ్యే జంట అనుబంధం.
పంచ భూతాల సాక్షిగా ఒక్కటై
మూడు ముళ్ళతో మమేకమై
బంధుమిత్రుల ఆశీర్వచనాలతో
ఏడడుగులతో పెనవేసుకునే పవిత్ర బంధం .
ఆపద సంపదలందు
అతలాకుతలం కాకుండా....
అన్యోన్యతల ఆణిముత్యాలై
త్యాగాల తలపుల్లో పునీతులై
సంయమనంతో సమయస్ఫూర్తితో.... సాగిపొయ్యేది.
ప్రకృతి పరమైన వాంఛలకు
పెడదారుల పాలు కాకుండా
ప్రేమామృతాలు పంచుతూ
సృష్టి తరాలకు మూలమయ్యే
అసలు సిసలైన వారధి....
తరతరాల మన వివాహ సాంప్రదాయం
నగునూరి రాజన్న
No comments:
Post a Comment