నిస్వార్థ సేవ
తేదీ 31-01-2021
శీర్షిక : మానవాతీతం .....
కవిత సంఖ్య : 85+11
పంచభూతములు మిళితమైన
ప్రకృతి ప్రదర్శించే తీరు తెన్నూ..
పశు పక్ష్యాదులు మనకిచ్చే
పాడిపంటల దారి దన్నూ ......
పైసా ఖర్చు లేని ప్రాణవాయువులు
జీవితాంతం జీవమిచ్చే నీరు
ప్రతినిత్యం చైతన్యమిచ్చే సూర్యరశ్మి
లెక్కలేనన్ని .... లెక్కనధిగమించి ....
ఒక్కసారి స్వార్థాన్ని విసర్జించి
సమస్తం ఒక్కటేనన్న భావనను
సంతరించుకుంటే ... సమన్యాయం ...
సమధర్మం... సమనీతి ....సమస్యలన్నిటికీ
పరిష్కారం......
నిత్యం మన కళ్ళ ముందే ఎన్నో
కదలాడినా...మనసు కేంద్రీకరించం
మంచిని ఎప్పుడూ ప్రోత్సహించం .....
మాటవరసకైనా మనం మన్నించము ....
నిఖిలలోకములు మెచ్చు కద
నిస్వార్థ సేవను మెండుగా
అఖిలలోకములు హర్షించి ఆదరించు
ఆత్మీయతలు నిండగా .....
భౌతికతలలో సారూప్యతలు లేకున్నా
భావాత్మ అంతా ఒక్కటని నమ్మి
మనిషి మానవాతీతమైతేనే
నిస్వార్థ సేవలందించ గలము పొందుగా ...
నగునూరి రాజన్న
కరినగరము
No comments:
Post a Comment